Në Kompleksin Memorial të Vëllezërve Gërvalla dhe Nënës Ajshe Gërvalla në Dubovik të Deçanit, janë përkujtuar sot në 33-vjetorin e vrasjes, Heronjtë e Kombit Jusuf Gërvalla, Kadri Zeka dhe Bardhosh Gërvalla.
Homazhe kanë bërë lideri i AAK-së , z.Ramush Haradinaj , i pari i komunës z.Rasim Selmanaj , më bashkëpunëtorë , përfaqësues të shoqatave të dala nga lufta e UÇK-së, familjarë të familjes Gervalla ,bashkëveprimtarë të Jusufit , dhe qytetarë të shumtë .
Atentati ndaj dy vëllezërve Gërvalla dhe Kadri Zekës kishte ndodhur më 17 Janar të vitit 1982 në Untergrupenbach të Gjermanisë.
Besohet se kjo vepër ishte kryer nga Shërbimet Sekrete Jugosllave, por atentatorët nuk janë identifikuar asnjëherë.
