Më një mbledhje komemorative të organizuar nën përkujdesjen e kryetarit të Komunës Rasim Selmanaj, ju dha lamtumira e fundit, Dr. Arif Ramosaj nga Carrabregu i Ulët i cili papritmas u nda nga ne. Lajmin për vdekjen e pa pritur të Dr. Arif Ramosaj na ka trondit të gjithëve ,sepse ishte i afërt për të gjithë në punën dhe misionin e tij prej mjeku. Kështu u tha nga të pranishmit e kësaj mbledhje komemorative. Të jem shumë i sinqertë se humbja e Dr.Arifit është humbje e madhe për ne .’’Unë ndihem krenar që kam pas fatin ta njoh nga afër Arifin të jemi në ngjarje të përbashkët , ishte i heshtur i dashur i afërt më të gjithë . Arifi ishte i heshtur por puna dhe vepra e tij është ajo që e ngrit në vlerat më të larta të një mjeku të kujdesshëm tha kryetari i komunës Rasim Selmanaj’’ Në emër të kolegëve të punës nga QKMF ,,Adem Ukëhaxhaj ‘’ në Deçan ka folur z.Hajdar Rexhëahmetaj , në emër të kolegëve te repartit Internistik në Pejë ka folur Dr.Sylë Nikçi. Në emër të shoqatës,, Edhe unë dua të jetojë’’ ka folur z.Halil Maloku .Ndërsa në emër të familjes të pranishmit e këtij komemoracioni i ka përshëndetur Dritan Ramosaj . Doktor Arif Ramosaj u lind më 13 Dhjetor 1966 në fshatin Carrabreg i Ulët. Shkollën Fillore e kreu në Vendlindje , ndërsa shkollën e mesme në gjimnazin ,,Vëllezërit Frashri ‘’ në Deçan .Fakultetin e mjekësisë e përfundoi në Universitetin e Prishtinës. Në vitin 2000 filloi punën si mjek në fshatin Gramaqel për të vazhduar më tutje në Qendrën e Mjekësisë Familjare ,,Adem Ukëhaxhaj ‘’ në Deçan.Kreu specializimin në Fakultetin e Prishtinës ku mori titullin ,, Internist’’ Pas përfundimit vazhdoi punën në spitalin Regjional të Pejës deri ditën e fundit të jetës së tij duke u shërbyer pacientëve të tij më nder dhe përkushtim. Këtë vit Dr.Arif Ramosaj regjistroi Subspecializimin në ENDO-KRIONOLOGJI deri në frymën e fundit. Doktor Arif Ramosaj u nda nga ne, dukë lënë pas vete bashkëshorten Irenen dhe dy fëmijët Shpat Ramosaj dhe Eda Ramosaj .Nga sot trupi i Dr.Arif Ramosaj pushon i qetë në varrezat fshatit Carrabreg i Ulët
