Qytetar të nderuar, meqenëse tani ndodhemi në sezonin e verës, ku mbretërojnë temperatura të larta, mundësia e ndodhjes së zjarreve në pyje dhe parqe nacionale është shumë e mundshme.
Komuna e Deçanit posedon një sipërfaqe të madhe të pyjeve, kullosave të cilat gjatë kësaj sezone janë të frekuentuara nga lëvizjet e njerëzve që i shfrytëzojnë për piknikë për qëndrim të përkohshëm dhe kryerjen e punëve të tjera ditore.
Me qëllim të mbrojtjes së jetës së njerëzve , pasurisë , shtazëve dhe mjedisit nga zjarri, duhet të gjithë qytetarët të ndërmarrin masa dhe veprime për evitimin e shkaqeve të zjarrit për pengimin e mundësisë së zgjerimit të zjarrit për zbulimin dhe fikjen e tij.
Duke e ditur se ç`far rëndësie kanë pyjet kërkojmë nga ana juaj që të keni kujdes të veçantë dhe të ndërmerren këto masa parandaluese:
Ø Ndezja e zjarreve të hapura në pyll ose jashtë tij në një largësi që rrezikon pyllin të marrë zjarr.
Ø Hedhja e cigareve të ndezura në pyje dhe në tokat pyjore me vegjetacion njëvjeçar moçalorë të thatë, gjethe e të tjera.
Ø Përdorimi i tapave të fishekëve të gjahut prej materialit që merr zjarr lehtë
Ø Qitja me predha që shkaktojnë zjarr në zonat ku ka drunjë pyjor të thatë dhe mbeturina pyjore si: (gjethe, shkarpa,kalbësira)etj.
Ø Ndalohet kategorikisht ndezja e zjarreve në kullota deri në 500m në afërsi të pyllit
Ø Tymosja e bletëve në pyll
Ø Të jeni vigjilent për lokalizimin dhe shuarja e zjarrit në vende ku zjarri është ndezur për piknik
Ø Ndalohet djegia e mbeturinave të masës drusore në pyje që rezultojnë nga shfrytëzimi i pyllit
Dëmtimi i pyllit me zjarr, me dashje ose nga pakujdesia, dënohet sipas rastit në bazë të dispozitave të Kodit Penal të Republikës së Kosovës dhe ligjeve tjera që e rregullojnë ketë lëmi. 
