Në sallën solemne të komunës së Deçanit kryetari i komunës z.Rasim Selmanaj,bashkë më kryetarin e OVL-UÇK-së , kol.Abdyl Mushkolaj , më kryetarin e shoqatës së të burgosurve politik Islam Mustafen , nderoi më mirënjohje pas vdekjes Ramë Binakun e Dashinocit në shenjë mirënjohje dhe respekti për kontributin e atdhetarë si luftëtarë i paepur për çështje kombëtare! Selmanaj , në këtë ceremoni familjes së Ramë Binakut i dhuroi edhe mirënjohjen që Ministria e Mbrojtjes së Shqipërisë i ndau ditë më parë më motivacionin
Për Shërbime të Shquara ‘’Për Kontribut te çmuar në përpjekjet e popullit shqiptar për liri dhe pavarësi.’’ 
Pas ndarjes së këtyre mirënjohjeve kryetari Selmanaj, tha se ne si komunë e Deçanit, jemi komunë më fat sepse kishim veprimtarë të çështjes kombëtare të cilët në mënyra të ndryshëm kontribuan për vendin e të nderosh një figurë siç është Ramë Binaku është nder.
Dy herë në jetë jam gëzuar , një herë në vitin 1999, dhe sot kështu tha Sahit Berisha, nga Dashinoci , i biri i Ramë Binakut, njeriut i cili tërë jetën ia kushtoj çështjes kombëtare duke luftuar si kaçak kundër secilit pushtues për çlirimin e atdheut.
Duke e falënderuar komunën e Deçanit për një takim si ky ku i bën nder jo vetëm komunës së Deçanit por edhe gjithë popullit shqiptarë.
Në këtë ceremoni të ndarjes së mirënjohjeve kanë folur edhe Bajram Mehmetaj i cili kohë më parë kishte botuar librin më titull,,40 vjet në qetat kaqake’’ ku nder të tjera tha se Jeta e Ramë Binakut ishte përplot vuajtje dhe me sakrifica të mëdha.
Ramë Binaku, si fëmijë mbeti pa të dy prindërit. Të atin Binakun dhe xhaxhain e tij Vatën i kishin arrestuar dhe pastaj edhe vrarë turqit. Qysh në ditët e hershme ai e kuptoi që atdheu fillon nga pragu i shtëpisë dhe zgjat deri aty ku çdo pëllëmbë i vie era gjak shqiptari.
Edhe Pjeter Geci tha se Historia nuk është moment që mund të fshihet nën dhe ajo mund të fshihet për një kohë por shfaqet serish dhe ky nder që ju po i bëni sot me nderim më mirënjohje do të thotë se njerëzit që dhanë për vendin nuk janë harrur Ndërsa Ali Geci tha se Ramë Binaku ishte burrë i besës dhe i fjalës , qëndresa e tij heroike me bashkëluftëtarët të tjerë të Lëvizjes kaçake e bënë që të radhitet në plejadën e patriotëve të devotshëm jo vetëm në Rrafshin e Dukagjinit, por edhe më gjerë.
