Pranë lapidarit të dëshmorëve dhe të martirëve të qytetit të Deçanit, zyrtarë të lartë të Komunës së Deçanit të prirë nga Kryetari i Komunës z.Rasim Selmanaj, përfaqësues të shoqatave të dala nga lufta e UÇK-së, familjarë të dëshmorëve e martirëve, si dhe qytetarë , kanë vendos buqeta me lule, dhe kanë nderuar sakrificën e të rënëve për liri me një minutë heshtje.
Një minutë heshtje në nderim të dëshmorëve Nagip Cacaj, Himë Mushkolaj, Valdet Kuçi, Isa Kuçi, Bajram Gogaj, Haxhi Gogaj, Beqir Cacaj, Nexhat Ibërhysaj, Xajë Kuçi dhe të martirëve Haxhi Cacaj, Bekë Shabanaj, Haxhi Iberhysaj, Zize Cacaj, Mustafë Cacaj, Hajdar Kuçi, Shaban Osaj, Tahir Iberhysaj, Haxhi Boshtraj, Time Bajraktaraj, Ajne Zymeraj, Ilir Lokaj dhe Qaush Bajraktari është mbajtur edhe në akademinë , e cila u mbajt në Pallatin e Kulturës “Jusuf Gërvalla”. Në fjalën e tij drejtuar sallës së stërmbushur Kryetari i Komunës së Deçanit z.Rasim Selmanaj, tha se Dëshmoret dhe martiret ishin ata që kapërcyen kufirin e të pamundurës ,at tehun që ndanë jetën nga vdekja ,drejt majës që quhet përjetësi “Dëshmoret dhe martiret ishin ata që kapërcyen kufirin e të pamundurës ,at tehun që ndanë jetën nga vdekja ,drejt majës që quhet përjetësi Përjetësia e bërë kujtim na ka mbledhur sot. Na ka bashkuar këtu në Deçan , në vendin ku neper shekuj e vite përpjekjet e popullit tonë për liri dhe dinjitet kombëtarë nuk pushuan kurrë. Prandaj nuk është rastësi se Deçani, i dha shumë luftës së lavdishme të Ushtrisë Çlirimtare të Kosovës ,duke i falur bijtë më të mirë të cilët sot më krenari qëndrojnë në lapidar.” tha Selmanaj. Kurse Dr.Hasan Gjikokaj ka mbajtur fjalën e rastit në emër të qytetit të Deçanit “Përpjekjet tona për liri dhe sovranitet kombëtar nuk u ndalen asnjëherë dhe ne asnjë kohë. Ne ketë kuadër Deçani , ky vend magjepse ne mes te Dukagjinit dha kontribut te jashtëzakonshëm ne te gjitha periudhat kohore. Është konkluduarë nga te tjerët se Deçani , kjo qyteze e vogël bartë mbi vete bagazhin e një historie të madhe dhe të ndritur ne gjakimin tone për Liri.” tha mes tjerash Gjikokaj. Në emër të organizatave të dala nga lufta e UÇK-së, Ibrahim Selmanaj deklaroj se të gjallët, do ta vazhdojnë amanetin e shokëve që u sakrifikuan në luftë, Selmanaj shtoj se amanetin e tyre që Kosova të jetë shtet i lirë dhe demokratikë do ta mbrojnë deri në fund. Ndërkaq, në emër të familjeve të dëshmorëve dhe të martirëve të Deçanit, të pranishmit i ka përshëndetur Arbër Cacaj, djali i dëshmorit të kombit Nagip Cacaj. Akademia është përmbyll me këngë e recitale kushtuar të rënëve për liri.
