Në sallën e Asamblesë Komunale në Deçan ,është mbajte Akademi përkujtimore në 66 vjetorin e rënies së Atdhetarit , Nacionalistit ,pjesëtarit të Ballit Kombëtar të Kosovës Adem Ramë Mataj ,nga Baballoqi i Deçanit, ekzekutuar nga Ozna Serbe , me 12 Dhjetor të viti 1947, në mes të Pozharit dhe Llukës së Poshtme.
Në këtë akademi përkujtimore i pranishëm ishte i pari i komunës z.Rasim Selmanaj, me bashkëpunëtor , lideri i AAK-së z.Ramush Haradinaj , bashkëluftëtar të Ademit , familjarë dhe qytetar të shumtë.
Në fjalën e tije i pari i komunës z.Rasim Selmanaj, tha se: Institucioni ynë ne vazhdimësi,me organizime te ndryshme,ka krijuar dhe nderuar,ngjarje dhe personalitete te veçanta nga e kaluara jone kombëtare. Kujtimi dhe nderimi për ta,për te gjithë brezat,te përmbyllur me kapitullin e arte te Ushtrisë Çlirimtare te Kosovës,është motivi kryesor për ne sot,qe te ecim fuqishëm ne ndërtimin e vendit tone dhe për krijimin e një mirëqenie për te gjithë qytetaret. Deçani dha shume,sakrifikoi shume për liri,andaj,obligimi ynë,përbashkët është qe me pune,seriozitet e përkushtim te sendërtojmë idealet e paraardhësve tanë !
Edhe lideri i AAK-së ,z.Ramush Haradinaj , tha se ti nderosh njerëzit më të cilët nuk ke qen në luftë më ta është nderë i veçante dhe respekti më i madhe që ne mund te ju bëjmë gjeneratës të cilës i takoi edhe Adem Mataj e që burrëria atdhetarizmi dhe sakrifica e tyre u bën udhërrefim për ngjëratën tonë që gjysmë shekulli pas ti sjellim vendit lirin për të cilën u flijua brezi it tij e në mesin e tyre edhe Adem Mataj tha Haradinaj.
Atdhetari Adem (Ramë) Mataj,ishte pjesëtar i Ballit Kombëtar , përkatësisht Bashkëluftëtar shumë i afërt i kreut të këtij formacioni Politiko –Ushtarak Demë Ali Pozhar. Atdhetari Demë Ramë Mataj është varrosur natën në pronat e familjes Tetaj të fshatit Llukë e Ulët , të cilët më përkujdesje të jashtëzakonshme dhe me shumë sfida nga pushteti , janë përkujdesur që mos ta zhdukin gjurmën e varrit të tije.
Veprimtaria atdhetare e nacionalistit të devotshëm Adem Ramë Mataj , u bë udhërrëfyes për brezat që erdhën për ushtrinë Çlirimtare të Kosovës , e cila shndërroi Baballoqin, në arenë të përgjakshme të luftës për Liri , shndërroi Dukagjini dhe gjithë Kosovën, gjithashtu në ushtri e cila nën udhëheqjen e heroit të luftës , komandantit të Dukagjinit , gjeneralit Ramush Haradinaj , sollën Lirinë dhe dërguan në vend amanetin e dëshmorëve. Kështu tha prof Faik Dodaj. Të pranishmit e kësaj akademie përkujtimore i ka përshëndetur edhe nipi i Ademit Qamil Mataj.
Ndërsa në nderim dhe kujtim për atdhetarin Adem Ramë Mataj kryetari i komunës z.Rasim Selmanaj , po ashtu dhe kryetari i Ballit Kombëtar Selman Berisha më mirënjohje kanë nderuar familjen Mataj ku mirënjohjet i pranoi djali i tije Halil Mataj.
Po ashtu në përmbyllje të kësaj akademie është shfaqur edhe dokumentari ,,Vula e gjakut ‘’për trojet etnike Adem Ramë Mataj .
