Aktgjykimi i fundit (20.05.2016) i Gjykatës Kushtetuese të Republikës së Kosovës, i cili legjitimon Vendimin e Qeverisë së Serbisë të vitit 1997, për faljen e pronave të dy ndërmarrjeve publike, APIKO dhe ILIRIA, Manastirit të Deçanit, ka nxit reagime të institucioneve dhe qytetarëve të kësaj Komune. Pas këtij Aktgjykimi, Kuvendi Komunal në një Seancë të jashtëzakonshme, ka kundërshtuar Vendimin ë Kushtetueses, të cilin e konsiderojnë politik dhe të dëmshëm për Deçanasit. Këshilltarët komunal, duke parë seriozitetin e gjendjes së krijuar dhe pakënaqësitë qytetare, ka formuar një Komision Komunal të kryesuar nga Kryetari i Komunës, Z.Rasim Selmanaj, e në të cilin janë edhe përfaqësuesit e subjekteve politike që janë pjesë e legjislativit (AAK, LDK, PDK).
Ky komision fillimisht vendosi që të bojkotoi punën në institucion komunal e më pastaj të vazhdoi edhe më protestën .
Protesta e mbajtur sot nxori në qendër të qytetit të Deçanit mira qytetar të moshave dhe strukturave të ndryshëm ku i pranishëm ishte i pari i komunës z.Rasim Selmanaj , me bashkëpunëtorë , Deputet të Parlamentit të Kosovës nga radhët e AAK-së , Intelektual të shumtë dhe qytetar te të gjitha moshave të cilët ju bashkuan protestës gjithëpopullore për kundërshtimin e vendimit të Gjykatës Kushtetuese.
Qytetarëvë më një fjalë rasti ju drejtua kryetari i komunës z.Rasim Selmnaj njehërit edhe kryetra i komisionit të nxjerrë nga Asambleja Komunale .Selmanaj nder të tjera tha se ,,Ky vendim është i pa pranueshëm për mua si kryetar i komunës së Deçanit , në as një mënyrë nuk e përkrahi këtë vendim ngase është vendim krye këput politik dhe kjo është arsye më e fort që nuk do ta përkrah .Edhe një herë sot e kundërshtojmë vendimin e gjykatës kushtetuese
Manastiri dhe Sava është duke e izoluar veten ne nuk dëshirojmë izolim se është i dëmshëm po duhet bashkëpunim në projekte të përbashkëta.
Ajo qe du me thonë është se kurrë Manastiri s’ka mu bë pronar i këtyre tokave , nuk e pranojmë unë si kryetar i komunë edhe komuna të cilën unë e drejtoj as nuk e pranon as nuk e zbaton , nuk e pranojmë sepse është në kundërshtim më qytetarët e komunë së Deçanit, unë e zbatoi vendimin e 60 mijë banorëve të komunës se Deçanit e jo vendimin politik të Gjykatës Kushtetuese në favor të Manastirit të Deçanit.
Nga kjo protestë ftoi Manastirin dhe miqtë tanë ndërkombëtar me reflektu , manastiri më hjekë dorë nga ky vendim sepse në nuk e zbatojmë. Ne nuk kem dëshirë më ra ne situata jo të mira po nëse vazhdohet kështu unë si kryetra i komunës nuk ka logjik me qen këtu po ua lirojmë Gjykatës Kushtetues dhe Mansatirt që te udhëheqin.
Ne nuk do ta ndalim kundërshtimin sepse jem ne te drejtën tonë .Ne ditën e çlirimit në protestojmë në vend se të festojmë e do të vazhdojmë edhe me tutje me protestu deri në kthimin pas të këtij vendimi tha Selmanaj në fjalimin e tije’’
Ndryshe kjo nuk është protesta e parë kjo është protesta e dytë e këtij lloji ne Deçan, e thirrur dhe organizuar nga Komisioni Komunal përbëre nga te gjitha partitë politke dhe kryetari i komunës se Deçanit, z.Rasim Slemanaj.
