Zyrtarë Komunal, përfaqësues të Shoqatave të dala nga lufta e UÇK-së, familjarë, qytetarë e nxënës të shkollës fillore të mesme të ulët në Prapaqan, kanë nderuar me homazhe dhe vendosje të buqetave me lule,Heronjtë Jusuf e Bardhsh Gërvalla, në ditëlindjen e Jusuf Gërvallës. Për ti pritur delegacionin e Komunës së Deçanit, të prirë nga Kryetari Rasim Selmanaj, veç qytetarëve të shumtë nga Duboviku, e pranishme ishte edhe e veja e Jusufit Suzan Gërvalla, e shoqëruar me djalin e saj dhe anëtar të tjerë të familjes. Kryetari Selmanaj, në këtë rast tha se, ditëlindja e Jusufit dhe dita e vrasjes së tij janë dy data, ku përkulemi çdoherë pranë varreve të heronjve, dhe në të njëjtën kohë kujtojmë gjithë veprimtarin, dhe sakrificën e tyre, për lirin e vendit. Kryetari i Komunës z.Rasim Selmanaj, gjatë qëndrimit të tij sot në Dubovikë të Deçanit, ka vendos buqeta me lule edhe pran varrit të martirit Mujë Hasan Gërvalla, i rënë gjatë luftës së fundit në Kosovë.
