Vërshimet e mesit të nëntorit të vitit që shkojë i shkaktuan dëme të konsiderueshme qytetarëve, fermerëve, infrastrukturës rrugore dhe bizneseve private. Mirëpo, përkundër vlerësimeve të zyrtarëve komunal se këto dëme janë në vlerë prej 1.200 mijë euro,deri me tani nuk është ndarë asnjë cent për kompensimin e tyre.
Admir Hasanaj,drejtor i Drejtorisë për Shërbime Publike, thotë se “Jemi në pritje të ndihmës së Qeverisë me gjasë vetëm për kompensimin e një pjese të vogël të këtyre dëmeve, sepse për këtë qëllim janë ndarë vetëm 500 mijë euro për të gjitha dëmet në nivel vendi, kurse vetëm në komunën e Deçanit, ato vlerësohet të jenë mbi 1.200 mijë euro”. Ai ka treguar se Komuna ka bërë aq sa ka mundur gjatë gjithë kohës së vërshimeve, duke iu dal në ndihmë qytetarëve në hapjen e shtretërve të lumenjve, prrojeve dhe ndërtimin e digave të ndryshme për t’i shpëtuar rrezikut nga stihia e vërshimeve, të cilat kryesisht ishin pasojë e ngushtimit të shtratit të lumin në të dyja anët e tij.
Sipas drejtorit Hasanaj,kjo tregon se pavarësisht se çfarë janë mundësitë e kompensimit të dëmeve nga vërshimet e nëntorit të vitit që shkojë, “nuk kemi qare” pa e realizuar projektin e zgjerimit të shtretërve të lumenjve, të cilët janë ngushtuar nga uzurpimet dhe hedhja e mbeturinave të ndryshme, sidomos atij të lumit të Lloqanit, i cili ka bërë dëme të mëdha në nëntorin e vitit të kaluar. Për ta bërë këtë, thotë ai, na duhen investime bukur të mëdha të cilat nuk ka mundësi të mbulohen nga buxheti i komunës, por duhet kërkuar edhe ndihmën nga donacionet e Qeverisë dhe donator të tjerë. Sipas tij kjo është e domosdoshme që të bëhet një siguri e qëndrueshme e rrjedhës së lumenjve, ndryshe vërshimet nuk mund të ndalën dhe bashkë me to edhe pasojat e mëdha.
