Në sallën e Asamblesë Komunale në Deçan , nën përkujdesin e Kryetarit të Komunës, z.Rasim Selamanaj, është dhënë Premiera e filmit dokumentar kushtuar rapsodit dhe atdhetarit Dervish Shaqa,me regji dhe skenar të gazetarit të njohur Asllan Bajrami.
Më këtë raste kryetari I komunës z.Rasim Selmanaj , tha se fjalët sot janë të pakta për ti thënë krahas këtij Dokumentari të punuar me mjeshtri nga gazetari i njohur Asllan Bajrami.
Ky Film dokumentar pasqyron jetën dhe veprimtarinë e Dervish Shaqës, si dhe sakrificat e shumta të tij, përfshirë edhe braktisjen e familjes për të mërguar në Shqipëri.Dervish Shaqa ishte rapsod i shquar popullor dhe i njohur në të gjitha trevat shqiptare dhe këngët e tij në atë kohë konsideroheshin si një thirrje për çlirim të popullit shqiptar dhe si thirrje kundër shtetit jugosllav.
Të pranishmit në këtë sallë i ka përshëndetur edhe Skënder Haklaj, poashtu edhe gazetari Asllan Bajrami.
