Në përkujdesjen e kryetarit të Komunës së Deçanit, z.Rasim Selmanaj, në Sallën e Asamblesë komunale është bërë promovimi I librit ,,Lufta Kundër Vdekjes’’ të autorit Musa Berisha.
Libri shtjellon luftën gjatë vitit 1998-99 në Kosovë, kryesisht në rrafshin e Dukagjinit.
Ky libër që në brendi përmban dokumente të mbledhura të viteve 1998-1999, është vlerësuar lartë nga recenzentet ,Jusuf Osmani, Pajazit Nushi dhe Ali Geci.
Profesor Jusuf Osmani , tha se ky libër përmban në veten një histori të shkurtër të një rrugëtimi tonë të gjatë për të arritur deri këtu ku jemi sot.
Ndërsa aktori Sylejman Lokaj , cili foli në emër të profesor Pajazit Nushi, duke e vlerësuar lartë librin nder të tjera tha :ky libri është vepër dokumentare që sjell kuptimin e luftës që ka ndodhur në komunën e Deçanit, përkatësisht në gjithë rrafshin e Dukagjinit. “Duke lexuar librin e autorit Musa Berisha, unë kam konstatuar se ky libër është vepër dokumentare që sjell kuptimin e luftës që ka ndodhur në komunën e Deçanit përkatësisht në gjithë rrafshin e Dukagjinit.
Autori i librit Musa Berisha ka qenë kryetar i nëndegës së Këshillit për Mbrojtjen e të Drejtave dhe të Lirive të Njeriut në Deçan. Në këtë cilësi, ai kishte mbajtur shënime për ngjarjet dhe të gjitha këto i ka përmbledhur në këtë libër.
“Unë bëra një libër dhe u përpoqa të bëjë dritë në epokën e një kohë kur ishim të gjithë personazhe të saj. Më shumë se sa mua më shumë sesa librin tim ju po e nderoni një kohë, atë kohë që të gjithë ishim të përndjekur e unë erdha pas jush me një bllok e një laps dhe ua solla këto kronika brenda atyre kopertinave që ju po i shihni pra nuk bëra gjë tjetër veçse atë kohë e solla edhe tani për brezat e rinj. Të gjithë ju jeni pjesë të faqeve të këtij libri”, tha autori Musa Berisha. Në këtë promovim janë lexuar edhe disa fragmente nga aktori Niman Muqaj.
