“Sistemi i digjitalizimit të adresave” , është projekti i Bashkimit Evropian dhe i Agjensionit Kadastral të Kosovës, në të cilin projekt Komuna e Deçanit ka qenë ndër komunat me të suksesshme. 
Pas përzgjedhjes si komuna me e suksesshme, tashme projekti i “Sistemi i digjitalizimit të adresave” ka nisur së implementuari në Komunën tonë, gjegjësisht projekti është në fazat përfundimtare në zonën urbane të Komunës së Deçanit.
Shkelzen Shehu Koordinator i projektit ka deklaruar se deri në fund të këtij muaj do të vendosen sinjalizimet e adresave në zonën Urbane të qytetit, kurse në zonat rurale pritet të vendosen në tersi deri në fund të këtij viti, “ Aktualisht ekipet tona janë duke punuar në Zonë Urbane të qytetit, në brendi të qytetit t Deçanit, dy fshatrave Carrabreg dhe Llukë të Epërme, që njëherësh llogariten edhe si zonë urbane. Tabelat me emërtime të reja të rrugëve, ashtu siç edhe janë emëruar rrugët nga Komisioni përkatës po vendosen gjithë andej. Ky projekt sikurse është mirëpritur kur është filluar të implementohet, po mirëpritet edhe nga ana e qytetarëve tashme gjatë implementimit. Sa i përket përfundimit, ne jemi të bindur se brenda këtij muaj do t përfundojmë zonën urbane, ndërkaq në zonën rurale shpresojmë se do ta përfundojmë brenda këtij viti, eventualisht edhe gjatë muajt janar të vitit të ardhshëm” tha Shehu.
Ndryshe, sikurse Komuna jonë Deçani, edhe Komunat e tjera të Kosovës, që nga paslufta janë përball me mungesë të emërtimeve të rrugëve.
