Kryetari i Komunës së Deçanit z.Rasim Selmanaj, me bashkëpunëtor kanë përuruar fillimin e punimeve për ndërtimin e trotuarit, nga fshati Prokulluk deri tek shkolla fillore e mesme e Ulët “Avni Rrustemi” në fshatin Irzniq.
Ky projekt i cili ka qenë i domosdoshëm, për ti mundësuar një qasje me ë lehtë nxënësve të kësaj anë për vajtje ardhje në mësime, është mirëpritur jo vetëm nga nxënësit, por edhe nga banorët e këtij lokaliteti. “I jemi shumë mirënjohës, komunës dhe kryetarit z. Rasim Selmanaj, që po mundësojnë ndërtimin e këtij trotuari. Fëmijët tanë do të ndihen me të sigurt, por edhe ne si prindër. Shumë herë në mungesë të trotuarit, na është dashur që ti dërgojmë dhe ti marrim fëmijët tanë, pasi që lëvizja e makinave në këtë segment rrugor, ka qenë shumë herë rrezik për jetën e fëmijëve” tha Sadik Çeku banorë i këtij lokaliteti.
Në ceremoninë e fillimit të punimeve Kryetari i Komunës së Deçanit z.Rasim Selmanaj tha se “ Jam shumë krenarë që edhe ky tretuar, së bashku me rregullimin e fshati Irzniq, po realizohet këtë vit. Kompania e cila ka fituar tenderin, do ta përfundoj brenda 45 ditëve të punës. Jo si kryetar por si qytetarë i kësaj komune, do të jem shumë i lumtur kur në ditën e parë të fillim vitit të ri shkollorë, nxënësit do të qarkullojnë lirshëm për në shkollë dhe anasjelltas” tha kryetari Selmanaj.
Ndryshe trotuari i gjatë rreth 2 kilometra, së bashku me sheshin e fshatit Irzniq kapë vlerën mbi 80 mijë euro, fonde këto që qeverisja lokale e Deçanit, i ka siguruar nga Komisioni Evropian.
