Kryetari i Komunës së Deçanit, z.Rasim Selmanaj, priti në takim sekretaren e Shtetit të Ministrisë së Punëve Brendshme të Finlandës, Marjo Anttoora, me të cilën bisedoi për mundësin e bashkëpunimit në shumë fusha, me thekës të veçantë në menaxhimin e situatave emergjente dhe të krizës, ku Finlanda ka kapacitete për trajnimin e trajnerëve në mënyrë që sa më mirë të menaxhohen situatat e fatkeqësive natyrore. 
Sekretarja Marjo Anttoora, u njohë nga Kryetari Selmanaj, dhe drejtor të dikastereve përkatëse për zhvillimet e komunës por edhe për nevojat që ka Deçani për mbështetje. Admir Hasanaj Drejtor I shërbimeve publike I njoftoj përfaqësuesit e shtetit Finlandez mbi punën e zjarrfikësve të komunës së Deçanit, dhe nevojat që ka kjo brigadë. Hasanaj tha se veç nevojës për trajnime, zjarrfikësit e komunës sonë kanë nevoja edhe për makineri e pajisje për punë më efektive. Në këtë takim po ashtu u bisedua edhe për mundësin që ka Deçani për zhvillimin e turizmit,në bjeshkët e Deçanit. Selmanaj njoftoj po ashtu përfaqësuesit e shtetit të Finlandës për zhvillimet e fundit rreth pronës që pretendohet ti falët Manastirit, kryetari tha së ky vendim më shumë është politikë, sepse si vendim nuk ka bazë ligjore.
Në shoqërim të Sekretares së shtet të Ministrisë së Punëve të Brendshme të Finlandës ,Marjo Anttoora ishin z. Jukka Tuononen, Drejtor, CMC Finland, znj Outi Holopainen, Drejtor, Ministria e Punëve të Jashtme, Njësia e Menaxhimit të Krizave, znj Mervi Parviainen, kryesor, Shërbimet e urgjencës College ,znj Anne Meskanen, Chargée d’Affaires a.i. Ambasada e Finlandës në Prishtinë ,znj Helinä Kokkarinen, Këshilltar i Ministrave, Ministria e Brendshme, Çështjet Ndërkombëtare Njësia .
Ndryshe, Helinä Kokkarinen ka qenë Administratore e UNMIK-ut , pas luftës së fundit në Komunën e Deçanit. Znj Helinä Kokkarinen, ka dhënë një kontribut të jashtëzakonshëm në ndërtimin e institucioneve lokale të Komunës sonë, për këtë fakt Kryetari Selmanaj i ndau mirënjohje të veçantë ish Administratores Helinä Kokkarinen. Po ashtu Kryetari Selmanaj bëri të ditur se për këtë motiv do të prezantohet asamblesë Komunale të Deçanit që znj Helinä Kokkarinen, ti ndahet titulli qytetare nderi e Komunës sonë. Në anën tjetër Helinä Kokkarinen e emocionuar tha se Deçani është shtëpia e dytë e sajë, dhe se që nga përfundimi i mandatit si administratore e UNMIK-ut, ajo shumë shpesh e viziton këtë komunë, por nderi që ju do të më bëni është i veçantë, dhe unë premtojë së do të vazhdojë të jetë një urë lidhëse mes kësaj Komunë dhe Shtetit tim Finlandës për bashkëpunim në shumë fusha tha mes tjerash Helinä Kokkarinen
