Njoftim për aktivitetet 04,05 dhe 06 Maj 2015

Të nderuar përfaqësues të mediave të shkruara dhe elektronike, ju njoftom se nën patronatin e Kryetarit të Komunës së Deçanit z.Rasim Selmanaj, me datat 04, 05 dhe 06 Maj 2015, në Deçan do të mbahet Edicioni i radhës i Festivalit Gjithëkombëtar të Folklorit “Eshkë e ndezur mbi Shkëlzen” kushtuar rapsodëve legjendarë Dervish Shaqa dhe Demush Neziri.

Në Festival do të marrin pjesë grupet dhe shoqëritë folkloristike që nga Saranda, Vlora e Gjirokastra, nga Shkodra, Plava e Gucia, nga trojet shqiptare në Maqedoni e Luginën e Preshevës, dhe nga gjithë Kosova. 
Festivali fillon në qendër të Deçanit, diten ë hënë me 04 Maj 2015, në orën 17:00 me defilenë festive.
Nata finale e festivalit,06 Maji, shënon dhe përvjetorin e 18, të rënies së Heroit të Kombit- Gjeneral Luan Haradinaj.
Poashtu në kuadër të veprimtarive artistike të cilat do të mbahen në kuadër të festivalit ,,Eshkë e ndezur mbi Shkëlzen ’’, që i kushtohet rapsodëve Dervish Shaqa e Demush Neziri nënë patronatin kryetarit të komunës së Deçanit z.Rasim Selmanaj , mbahen aktivitete siç vijon:
E hënë me 04 Maj 2015, në ora 13:00 në Sallën e Asamblesë Komunale në Deçan, behët promovimi i librit ,,Prijës Fetarë dhe Shpirtërorë Shqiptarë ’’ të autorit Faton Mehemetaj 
E martë me 05 Maj 2015, në ora 13:00, në zyrën e kryetarit të komunës z.Rasim Selmanaj , mbahet ceremonia e shpalljes qytetar nderi të komunës së Deçanit postmortum të dëshmorit të kombit Lulzim Morina .
Me 06 Maj 2015 në ora 13:00, në shenjë nderimi e përkujtimi për poetin e njohur Haxhi Vokshi në Sallën e Asamblesë Komunale në Deçan,në ditëlindjen e tij, nën përkujdesjen e kryetarit të komunës së Deçanit, Rasim Selmanaj, organizohet një veprimtari kulturore., ku do të ligjërojnë kolegë, krijues dhe profesorë universitarë