Deçan
07.04.2020
Zyra e Kryetarit
Bazuar në Nenin 13 të Ligjit për Vetëqeverisje Lokale, Ligji 03/L0-40, paragrafi 7 të Nenit 15 të Statutit të Komunës së Deçanit, Kryetari i Komunës nxjerr këtë:
V E N D I M
I
Me anë të këtij vendimi komuna e Deçanit, funksionalizon Eko -Tregun për shitjen e produkteve bujqësore të prodhuara nga fermerët e Deçanit.
II
Me këtë vendim njoftohen të gjithë qytetarët e Komunës së Deçanit që nesër me datën 08.04.2020 duke filluar nga ora 09:00 do të filloj punën Eko-Tregu në Deçan, i cili gjendet në rrugën Elez Gezi e Magjun Berisha ( te pazari).
Eko – Tregu do të jetë i përditshëm me orar nga ora 09:00 në mëngjes deri në ora 16:00 pas dite.
III
Të gjithë prodhuesit e produkteve bujqësore që i shesin produktet e tyre në Eko- Treg duhet të jenë të pajisur me mjete mbrojtëse ( Maska dhe doreza)
IV
Bazuar në vendimet e nxjerrura nga Shtabi Komunal për menaxhimin e pandemisë COVID -19, ju njoftojmë se të gjithë qytetarët që duan të furnizohen me produkte nga Eko- Tregu duhet të jenë të pajisur me mjete mbrojtëse (maska dhe doreza).
Arsyetim: Me qëllimin e mire për t’ju dalur në ndihmë fermerëve dhe blegtorëve tonë si komunë e Deçanit kemi funksionalizuar Eko -Tregun.
