Në kuadër të planit mësimorë, nxënësit e klasës së tretë të shkollës fillore “DRITA” të Gramaqelit të shoqëruar nga mësuesi i tyre Azizë Agaj, dhe drejtori i shkollës Ramë Kasumaj, sot kanë vizituar Kuvendin Komunal të Deçanit. Në sallën e Asamblesë ata janë pritur nga kryetari i Komunës së Deçanit z.Rasim Selmanaj. Ndonëse të vegjël në moshë ata nuk reshnin së shtruari pyetje për kryetarin e Komunës, shprehen interes për funksionimin e institucioneve lokale, mënyrën e menaxhimit të komunës, për zhvillimin e arsimit, e sfera të ndryshme. Kryetari i Komunës së Deçanit z.Rasim Selmanaj u dha përgjigje në të gjitha pyetjet.
Selmanaj me këtë rast tha së është ndjerë shumë i lumtur me këtë vizitë të këtyre nxënësve, dhe i gatshëm për t’iu përgjigjur atyre në të gjitha pyetjet “ Vizita të këtilla të nxënësve të shkollave tona, janë të mirëseardhura, dhe unë si kryetar komunë jam i gatshëm ti pres dhe të bashkëbisedojë me ta. Ne themi se e ardhmja e vendit janë të rit, dhe për këtë fakt ne punojmë çdo ditë, që këtyre fëmijëve e gjithë fëmijëve të vendit tu krijojmë kushte, që ata të rriten me një mirëqenie me të mirë sociale, të kenë kushte me të mira të arsimimit, por në të ardhmen edhe një vend punë.” Kështu u shpreh kryetari i Komunës z.Rasim Selmanaj.
Fëmijët e klasës së tretë në shenjë kujtimi për këtë vizitë bënë edhe një fotografim të përbashkët me kryetarin Selmanaj, ata u shprehen mesë të lumtur për vizitën që i bënë Kuvendit Komunal të Deçanit si dhe për takimin që e patën me kryetarin e Komunës.
