27 shkolla sa numëron komuna e Deçanit , do të vizitohen në faza të ndara nga komiteti për Arsim i komunës së Deçanit , i cili komitet është formuar më vendim të Asamblesë Komunale. Ky komitet ka bërë inspektimin e disa shkollave si: SHFMU “Sylë Alaj” në Dranoc, SHFMU “Drita” në Gramaqel ,SHFMU “Avni Rrustemi” në Irzniq, SHFMU “Lan Selimi” në Lumbardh, SHFMU “Faik Konica” në Ratish, SHFMU “Esad Mekuli” në Maznik, SHFMU ,,Jusuf Gervalla’’ në Dubovik, paralele e ndarë nga shkolla e Prapaqanit.
Në një takim të përkrahur nga OSCE , sot raportet e mbledhur nga vizita në këto shkolla janë bërë publike .Në këtë takim i pranishëm ishte pari i komunës z.Rasim Selmanaj, drejtori i DKA-së z.Qazim Maloku, Drejtori për Buxhet dhe Financa z.Agron Demukaj, kryesuesi i Asamblesë z.Jashar Dobraj,drejtorët e shkollave të cilat janë vizituar nga ky komision , përfaqësues të subjekteve politike , OJQ-ve , shoqërisë civile dhe OSCE.
Pas prezantimit të raportit të dalë nga vizitat në shkolla nga z.Sylejman Lokaj, ku në bazë të këtij raporti gjendja në këto shkolla nuk është e kënaqshme ndërsa në fjalën e tij kryetari i komunës z.Rasim Selmanaj,tha se ne si komunë nuk kemi buxhet për te ndërtuar shkolla të reja ndërsa vlen te ceket se ne tersi është rinovuar gjimnazi,, Vllezërit Frashëri’’, nga projekti për Efiqenc të Energjisë, poshtu janë në përfundim dy shkolla të reja ajo e fshatit Isniq dhe shkolla ne Rastavicë , me mundësit tona buxhetore janë ndërtuar mbi 10 fusha sportive dhe disa shkolla janë renovuar .
Kjo nuk do të thotë se në nuk kemi punë në këtë drejtim, ditë më parë kemi nënshkruar një memorandum për projekte te reja për Efiqenc te Energjisë, po besoi se ne vitin 2015 do te renovohen edhe 3 shkolla tjera, ndërsa deri ne vitin 2020, besoi se te gjitha shkollat do te kenë te përfunduar ketë problem tha Selmanaj.
Në këtë takim janë diskutuar edhe mundësit e shumta për përmirësimin infrastrukturës shkollore e si rekomandim doli se ky komision te bëj edhe verifikimin e shkollave tjera ndërsa të nxjerr një përfundim se cilat shkolla duhet rrënuar ne tersi dhe të ndërtohen te reja dhe që janë më urgjente për nxënësit dhe personelin mësimorë. Vlen të ceket se ky komitet i nxjerr me vendim te Asamblesë komunale ka këtë përbërje:
Sylejman Lokaj –LDK
Xhevdet Hasanmetaj –PDK
Shpresa Haderxhonaj-VV
Sanije Thaqi-AAK,dhe
Syzana Mustaj-AAK.
