Sot, pikërisht në Ditën e Çlirimit të qytetit tonë, u bë hapja e panairit veror “ Deçani 2022”, organizim ky që i shtoj bukurinë dhe mbushi përplot ngjyra qendrën e qytetit tonë.
Dita e Çlirimit , këtë vit na gjeti më të bashkuar se kurrë , me vëllezërit tanë nga të gjitha trevat ku flitet shqip, të cilët na nderuan me prezencën e tyre e i shtuan vlerë Ditës së Çlirimit dhe bukuri panairit veror “ Deçani 2022 ”, ku prezantuam potencialin tonë turistik si dhe trashëgiminë dhe vlerat tona kulturore, ushqimin tradicional e punime të ndryshme artizanale.
Nder e kënaqësi që në qytetin tonë patëm miq si ambasadori i Shqipërisë në Kosovë, z. Qemal Minxhozi, ambasadorja e Shqipërisë në Athinë, znj. Luela Hajdaraga, kryetari i Tetovës, z. Bilall Kasami, kryetari i Lezhës, z. Pjerin Ndreu, ish kryetarja e Preshevës, znj. Ardita Sinani, si dhe përfaqësues nga Ulqini.
Panairi do të jetë i hapur edhe gjatë ditës së nesërme!
Ju mirëpresim!
