Për 4 ditë radhazi, kryetari i komunës z. Bashkim Ramosaj së bashku me drejtorin Halil Tolaj dhe drejtorin Isuf Demhasaj, morën pjesë në Panairin Ndërkombëtar të Zhvillimit të Maleve në zonën malore të Grenoble, Francë – kryeqyteti i Alpeve.
Zhvilluan një sërë vizitash dhe takimesh të drejtpërdrejta me përfaqësues të institucioneve vendore dhe rajonale në disa lokalitete të këtij rajoni alpin, për të mësuar më shumë për rolin dhe vizionin strategjik të autoriteteve vendore në zhvillimin e qëndrueshëm të turizmit malor.
Gjatë kësaj vizite u morën shembujt më të mirë nga fusha e turizmit, u shkëmbyen ide dhe kontakte, e po ashtu patën mundësinë të shohin nga afër tri qendra të skijimit në këtë qytet.
Ky aktivitet është mbështetur nga Swisscontact, përmes projekteve FEGO Project Kosovo dhe PPSE Program Swisscontact, në bashkëpunim me 12 Komuna në Kosovë.
Kryetari Ramosaj u shpreh se ndihet shumë i lumtur që zhvilluan këtë vizitë, që mundësoj të sjellin shembujt më të mirë në qytetin tonë, që Deçani të bëhet atraksion turistik.
