Në hapësirat e Kuvendit Komunal, ësht bërë promovimi i monografisë që i kushtohet hapjes së gjimnazit të parë në Deçan, gjimnazit “Vëllezërit Frashri”, gjimnaz ky i hapur në vitin 1967, si dhe, promovimit të 50 vjetorit të zhvillimit të hendbollit të kësaj komune.
“Gjenerata e parë e Gjimnazit Vëllezërit Frashri në Deçan 1967-1971” është monografia e një grupi autorësh, të cilët ishin të parët që filluan mësimet pranë këtij gjimnazi, që më pas, bëhet emër, jo vetëm në Kosovë, por edhe në shtete tjera. Duke fol për fillimin e punës së këtij gjimnazi dhe të arriturat e asaj gjenerate dhe gjeneratave tjera, Osmon Tolaj, mësimdhënës dhe drejtor shumëvjeçar, është shprehur se, jo veç kjo “gjeneratë e artë”, por edhe gjeneratat tjera, kanë bërë që Deçani të krenohet me të arriturat në të gjitha fushat e dijes. Ai, ka treguar se atë kohë, kishin filluar me 167 nxënës, mesin e tyre 12 femra, ndërsa maturën kishin përfunduar vetëm 83 nga ata, për arsye të ndryshme. “Nxënësit e Deçanit, çdo herë në studimet e mëtejme janë pranuar pa ndonjë konkurs të veçantë, kjo për arsye të rezultateve te treguara në gjithë ish federatën Jugosllave”, ka treguar Tolaj, për të cilin, nga ky institucion arsimor, kanë dalë kuadro që tashmë janë të njohura edhe në rang botërore, por edhe luftëtar të zot, edhe të pushkës dhe të rënë në altarin e lirisë. Ndërkaq, për kryetarin e komunës së Deçanit, Rasim Selmanaj, gjenerata 1967-1971, me të drejtë quhet “gjenerata e artë”, sepse, nga aty filluan të arriturat e këtij gjimnaz, gjë që, edhe tashmë, kjo komunë krenohet. “Përkrahja e bërë nga komuna jonë, është modeste, sepse, ju jeni ata që keni dhënë krenari arsimit, jo vetëm, por mbarë kombëtar”, ka thënë Selmanaj, për të cilin, edhe sot, ky gjimnaz bënë që të krenohemi për sukseset që arrihen në shumë fusha të dijes. Duke fol në emër të nxënësve të asaj kohe, të gjeneratës së parë të këtij gjimnazi, profesori universitar, Musa Rizaj, ka thënë se, nga kjo gjeneratë, por edhe të tjera të këtij gjimnazi, kanë dal kuadro që mburret e tërë Kosova, deri në shtetet e bashkuara dhe vendet tjera. “Është ndjenjë e veçantë të bashkohemi dhe të rikujtojmë fillet e para të kësaj gjenerate, por edhe krenari për të gjithë ne, kur shohim të arriturat, por, gjithnjë duke rikujtuar të rënët për lirinë e Kosovës, të kësaj gjenerate”, është shprehur Rizaj, për të cilën, nxënësit dhe mësimdhënësit e asaj kohe, gjithmonë do mbesin në historinë e arsimit shqip.
