Në një takim të përbashkët të përfaqësuesve të ATRC-së dhe zyrtarëve të komunës së Deçanit, janë bërë publike kërkesat, nevojat, dhe rekomandimet e qytetarëve të hulumtuara nga ana e Organizatës Kosovare Qendra eTrajnimeve dhe Burimeve për Avokim(ATRC),
Kërkesat më të mëdha të qytetarëve kanë të bëjë me asfaltimin e rrugëve,kanaleve të ujitjes, rrjetit të ujërave të zeza, ujit të pijes dhe mungesa e menaxhim të mbeturinave etj, të cilat sipas kryetarit të të Komunës, Rasim Selmanaj, shumë prej tyre janë realizuar ose janë në projektet e realizimit.
Sipas drejtoreshës së Programit të ATRC Donika Salihu, ky projekt ka për qëllim ti ndihmoj qeverisjen lokale dhe shoqëritë civile të nxisë dhe forcojë marrëdhëniet në mesë tyre në mënyrë që të parashikojë dhe ti përgjigjët më mirë nevojave të komunitetit duke avancuar marredhanjët në mesë tyre dhe duke shfrytëzuar mjetet dhe teknikat për zgjidhjen e konflikteve. “ Kësaj radhe ne ju kemi dhënën mundësi qytetarëve në brendi të qytetit dhe atyre të regjioneve rurale të Deçanit që ti shprehin lirshëm kërkesat dhe rekomandimet e tyre dhe të ushtrojnë presion demokratik në institucione lokale për marrjen në konsideratë të kërkesave të tyre duke i ofruar të dhëna konkrete për nevojat e secilit fshat veç e veç, e që të njëjtat më pas të përfshihen në planet zhvillimore e investuese”, ka thënë Salihu.
Zyrtarët komunal e kanë mirëprit këtë hulumtim mbi nevojat dhe kërkesat e qytetarëve ruralë, por sipas tyre pjesa më e madhe e fshatrave janë me infrastrukturë të asfaltuar rrugore, pastaj ka filluar ndërtimi I kanalizimit të urërave të zeza, largimi I mbetyrinave,ujësjellësve, kanaleve të ujitjes etj. “ E kemi mirëpritur këtë hulumtim, mirëpo ne kemi qenë të njohur me kërkesat dhe rekomandimet e komuniteteve në fshatrat e komunës sonë, dhe pjesa dërmuese e kërkesave që janë paraqitur në këtë hulumtim janë plotësuar dhe një pjesë tjetër janë në realizim e sipër”, ka thënë kryetari Selmanaj, I cili ka falenderuar përfaqësuesit e ATRC-së për punën e tyre.
