U bënë homazhe dhe u vendosën kurora më lule në kompleksin memorial të Dëshmorëve të Kombit në Gllogjan dhe tek varrezat e dëshmorëve në fshatin Kodrali,në nderim dhe kujtim të 14- vjetorit të rënies në altarin e Lirisë ,te 16 Dëshmorëve të Kombit të Bataljonit Gardist ,,Shkelzen Haradinaj’’ të Zonës Operative të Dukagjinit : Arton Mehmetaj, Përparim Ferizi , Sali Ferizi , Nuredin Gërvalla , Valiant Ferizi , Përparim Shala, Nimon Musaj , Naim Berisha , Islam Krasiniqi,, Fehmi Demiçi, Hajrush Demaj , Metë Krasniqi, Nazmi Gradina, Liman Morina, Hysen Mehemti dhe Xhavit Islami. Homazhe veç familjarëve të dëshmorëve bënë edhe Zyrtarë Komunal të prirë nga kryetari I Komunës së Deçanit z. Rasim Selmanaj, Shoqatat e Dala nga Lufta e UÇK-së, dhe qytetarë të shumtë.
. Familjet e të rënëve edhe në këtë 14 vjetor, të përlotur ndjejnë mungesën e më të dashurve të tyre që ia falën lirisë, por në të njëjtën kohë krenaria thonë së na mbanë kokën lartë kur dimë që fëmijët tanë, djemtë më të mirë të vendit u sakrifikuan për lirin e Kosovës. Shokët e idealit të dëshmorëve, Veteranët e Ushtrisë Çlirimtare të Kosovës, edhe në këtë përvjetor ndjejnë mungesën e bashkëluftëtarëve, por edhe ata gjejnë motivin për jetë kur nderojnë dëshmoret e rënë në fushëbeteja. Në anën tjetër edhe kryetari I Komunës së Deçanit Rasim Selmanaj, tha se përulja para varrezave ku prehën në përjetësi djemtë me të devotshëm të vendit është cytje për njerëzit e politikës, dhe njerëzit që menaxhojnë me institucionet publike, që vendin dhe lirin që aq shumë e deshën dëshmoret ta ruajnë dhe të punojnë ashtu siç e ëndërruan dëshmorët e kombit, “ Për ne të cilët sot udhëheqim institucionet e shtetit të pavarur të Kosovës, për të cilën janë flijuar këta dëshmorë që sot po i përkujtojmë dhe gjithë dëshmoret tjerë, na mbetet që amanetin e tyre ta jetësojmë dhe ta dërgojmë Kosovën aty ku e ëndërruan dëshmoret. Kosova sot ka lirin e cila erdhi falë gjakut të dëshmorëve, ne sot duhet ta ruajmë mbrojmë me çdo kusht këtë liri, por e kemi obligim që komunën por edhe shtetin ta zhvillojmë dhe integrojmë, për këtë gjë ne frymëzohemi dhe marrim cytje për punë edhe me të vrullshme sa herë që përkulemi para dëshmorëve të kombit” tha Selmanaj me këtë rast.
