Në 32 vjetorin e rënies së heronjve të kombit Jusuf e Bardhosh Gervalla dhe Kadri Zeka në Untergrupenbach (Gjermani) nga dora e UDB-së jugosllave , janë bërë homazhe dhe janë vendosur kurora më lule në vendlindjen e tyre në fshatin Dubovik ,aty ku prehen eshtrat e vëllezërve Gërvalla dhe Nënës Ajshe.
Homazhe kanë bërë, i pari i komunës z.Rasim Selmanaj, më bashkëpunëtorë , lideri i AAK-së z.Ramush Haradianaj , përfaqësues të shoqatave të dala nga Lufta e UÇK-së , familjarë dhe qytetarë të shumtë .Kryetari Selmanaj,në prononcimin për media në mes tjerash tha se: ,, ne si institucion kemi obligim ndaj atyre të cilët ishin frymëzim, vendosshmëri dhe vizion i brezave që e bënë realitet çlirimin e Kosovës”.
Në ndërkohë dhe lideri i AAK-së,Z.Ramush Haradinaj vlerësoi veprën e vëllezërve Gërvalla,Kadri Zekës dhe gjithë dëshmorëve për lirinë e Atdheut.
