. Përurohet asfaltimi i rrugës në Drenoc, Haradin Kuçi, premton mbështetje të projekteve të reja

Kjo artere që nisë nga rruga magjistrale Deçan-Gjakovë, lidhë të gjitha fshatrat e regjionit të Vokshit, ndërkohë po në Drenoc është edhe  përurimi edhe i rrjetit të kanalizimit të ujërave të zeza, ndërkohë fshati disponon edhe me ujësjellës dhe tutje prioritet ka zhvillimin e bujqësisë. Po ashtu pas përurimeve në Drenoc, njeri i dytë i Qeverisë së Kosovës, Hajredin Kuçi, ka takuar edhe banorët e fshatit Maznik dhe Isniq, të cilëve iu ka premtuar mbështetje në realizimin e projekteve të infrastrukturës.

“Qeveria bënë shpërndarje të drejtë të buxhetit dhe balancim investimesh, pavarësisht se nga kush udhëhiqen pushtetet lokale”, ka thënë Kuçi, duke vlerësuar se përkrahja e disa projekteve nga donacionet qeveritare në Deçan, ka arsyen e shumëfishtë, por në radhë të parë të menaxhimit të mirë të parasë publike në këtë komunë, e cila sipas tij, në luftën e fundit dha shumë për vendin dhe meriton përkrahjen e saj. Zëvendës Kryeministri Kuqi në fjalën e tij, po ashtu tha se së bashku me kryetarin e komunës po bëjmë projekte të mira për qytetarët e Deçanit, në shërbim të tyre si dhe në të mirë të  gjithë qytetarëve të tërë Kosovës.” Deçani është një shembull i mirë i menaxhimit të projekteve, është një shembull i mirë për bashkëpunim në mes të komunës dhe qeverisë qendrore, dhe ky bashkëpunim dhe ky kontribut që është dhënë nga të dyja pjesët ka ndikuar pozitivisht edhe për jetën e këtyre qytetarëve” ,ka vlerësuar ai. Ne do të mbesim të përkushtuar në ndihmë të vazhdueshme për juve dhe qytetarët e Deçanit. Investimi ynë do të jetë i balancuar anë e kënd territorit të Kosovës, dhe unë dua ti përgëzoj qytetarët e Drenocit dhe të gjithë qytetarët e Deçanit për një gatishmëri për një bashkëpunim të mirë. Qëllimi i qeverisë së Kosovës ka mbetur dhe është që ti balancojmë zhvillimet anë e kënd territorit tonë, që ti balancojmë zhvillimet e kuptimit provincat me qendrat dhe bashkërisht të jemi komb i lirë dhe i zhvilluar.