Rasim Selmanaj, kryetar i Komunës, ka bërë përurimin e asfaltimit të rrugës në Jasiq të Ri të Deçanit.
Për realizimin e këtij projekti, nga buxheti i Komunës janë ndarë mbi 100 mijë euro, ndërkohë që rruga e asfaltuar këtë vendbanimi e lidhë me fshatrat e komunës së Deçanit dhe të Gjakovës. Kryetari Selmanaj, i ka thënë jasiqasve se komuna e tij,qytetarëve të vet po ia rikthen paratë e tyre me investime në projektet jetike, gjithnjë në kuptim të mirëqenies së tyre.
“Ne po realizojmë shumë projekte të infrastrukturës rrugore, të cilat hapin shtigje të zhvillimit”, ka thënë Selmanaj, duke treguar se për pak ditë do të fillojë edhe asfaltimi i rrugës, Garamaqel-Shaptej, e cila njëkohësisht do të lidhë edhe këtë vendbanim. Ai gjithashtu ka njoftuar, se gjatë javës së ardhshme do të nisin edhe disa projekte të tjera të infrastrukturës rrugore, si dhe projekte të tjera të cilat Qeveria e Kosovës këto ditë i ka mbështet me 700 mijë euro. Selmanaj, ka premtuar se bashkë me Komunën e Gjakovës do të angazhohet edhe për realizimin e projekteve të infrastrukturës rrugore që lidhen fshatrat e dy komunave.
