Komuna e Deçanit e nisi vitin 2013 me vizita të shumta të delegacioneve të ambasadave të ndryshme që veprojnë e punojnë në Kosovë.
Arsye e gjitha këtyre vizitave ishte vendimi i cili u morë në fund të vitit 2012, nga Dhoma e Posaçme e Gjykatës supreme të Kosovës, që i njeh Manastirit të Deçanit bartjen e pronave nga një vendim i ish sistemit Jugosllav të Millosheviqit.
Vendim ky që është i pa pranueshëm nga Institucionet Lokale të Deçanit por edhe nga vetë qytetaret e Komunës. Në të gjitha takimet e tij Kryetari i Komunës së Deçanit, ka shprehur qartë mendimin e tij siç edhe e ka quajtur se është edhe mendim i gjithë qytetarëve te Deçanit nuk ka prona për të falur askujt e as Manastirit.
Ky qëndrim i kryetarit dhe i qytetarëve të Deçanit bëri që gjatë muajve të parë të 2013 të mbahen një serë protestash masive në kundërshtim të vendimit të dhomës së Posaçme të Gjykatës Supreme të Kosovës. Kontesti i pronave vazhdon të jetë një problem që do ta shoqëroj Komunën e Deçanit edhe në vitin qe po hymë 2014.
Qytetaret e Komunës së Deçanit, do ta kujtojnë vitin 2013, edhe si një vit të investimeve në infrastrukturë. Gjatë këtij viti fal përkushtimit të tij për Punë Kryetari i komunës z.Rasim Selmanaj, ka arritur që me buxhetin Komunal por edhe me thithjen e donacioneve nga Organizatat të ndryshme, dhe nga Qeveria e Republikës së Kosovës, të asfaltojnë një numër të madh të rrugëve në hapësirat të ndryshme të Komunës së Deçanit.
Sa i përket këtyre investimeve janë shtruar edhe trotuar përgjatë rrugëve magjistrale, veçojmë trotuarin nga Deçani drejt fshatrave Isniq- Lebush, deri në Strellc të Epërm, si dhe trotuarin nga fshati Prokolluk deri në fshatin Irzniq. Është bërë po ashtu rregullimi i disa shkollave, ka nisur së ndërtuari edhe shkolla të reja si ajo në fshatin Rastavic dhe në fshatin Isniq. Ka vazhduar implementimi i ndërtimit të kanalit të ujërave të zeza, më rast banor të fshatrave të shumta tashme janë kyqyr në këtë kanalizim. Në vitin që po e lëmë pas me mbështetjen e Bashkimit Evropian u bë edhe ndërtimi i fabrikës së mjaltit “Golden Hany”.
Në vitin 2013 është ndërtuar sistemi i ujët të pijes për dhjet fshatra, projekt ky që është në finalizim e sipër edhe sa i përket rrjetit sekondar, tashme banorët e fshatrave Prejlep, Rastavic dhe Prokulluk po i gëzohen ujit të pijes, fat që brenda muajve të parë do ta kenë edhe fshatrat e tjera të këtij rajoni. Investime gjatë vitit që po lëmë pas kishte edhe ne Buqësi ku janë ndërtuar disa kanale të ujitjes dhe janë subvencionuar fermer më farëra dhe plehra
Në dy nga fshatrat që konsiderohen si fshatrat me të mëdha për nga numri i banorëve fshati Isniq dhe Irzniq është bërë edhe rregullimi i shesheve të këtyre dy fshatrave dhe ndriçimi. Investime gjatë vitit që e lamë pas kishte edhe në Shëndetësi, veçojmë këtu ndërtimin e Qendrës së mjekësisë familjarë në fshatin Isniq. Falë bashkatdhetarëve edhe Qendra Kryesore e Mjekësisë familjare “Adem Ukëhaxhaj” është pajisur me një autoambulancë.
Sa i përket punës së legjislativit,2013-ta është karakterizuar me marrjen e një serë vendimeve të cilat kanë qenë në të mirë të jetës së qytetarëve të Komunës sonë. Janë mbajtur në bazë të ligjeve të gjitha mbledhjet e asamblesë Komunale, mbledhjet e Komitetit për Politik e Finaca, të Komitetit për Komunitete, po ashtu janë mbajtur debate me qytetarë në periudhën e parë 6 mujore dhe në fund vit, ku kryetari i Komunës së Deçanit z.Rasim Selmanaj me stafin e tij të ekzekutivit kanë raportuar para qytetarëve për punën e tyre. Janë mbajtur edhe takimet e rregullta të Këshillit Komunal për siguri në bashkësi.
Në vitin që po lëmë pas u realizua edhe Iniciativa e nisur tash e sa kohë, Binjakëzimi i Komunës së Deçanit me Komunën e Plavës së Malit të zi . Ky binjakëzim erdhi pas vizitave të ndërsjellët të zyrtarëve me të lartë të këtyre dy komunave. Ndërkaq akti solemn i nënshkrimit të binjakëzimit u bë në qytetin e Plavës.
Viti 2013 në aspektin e bashkëpunimit të Komunës së Deçanit, ishte i shumanshëm, Qyteti i Fierit të Shqipërisë me një vendim të Bashkis e nderoj Kryetarin e Komunës z.Rasim Selmanaj me çmimin “Qytetar nderi i Bashkis se Fierit”. Ky çmim Kryetarit Selmanaj ju nda në një ceremoni të veçante në Fier. E Komuna e Deçanit në mbledhjen e fundit të asamblesë të mbajtur në vitin 2013 ka marrë vendim që ta shpall qytetar nderi të Komunës së Deçanit, kryebashkiakun e Tiranës, Kryetarin e ri të Partisë Demokratike të Shqipërisë z.Lulzim Basha. Ky çmim Bashës do ti ndahet në një ceremoni të veçante që do të organizohet në fillim të vitit 2014.
Deçani si një nga qytetet që më së shumti i ka dhënë luftës së fundit, edhe gjatë vitit që e lëmë pas nuk i ka harruar Heronjtë, dëshmorët dhe viktimat e luftës së fundit. Në datat të ndryshme zyrtar të lartë të Institucioneve Komunale, së bashku me shoqatat e dala nga lufta e UÇK-së, kanë bërë homazhe tek varrezat, komplekset memoriale e tek shtatorët e ndryshme. Janë mbajtur akademi të ndryshme, ku është përkujtuar sakrifica sublime e dëshmorëve të lirisë. Në këtë rrafsh Komuna e Deçanit, ka vazhduar të financoj ngritjen e memorialëve të reja të dëshmorëve,të luftës së fundit. Në fshatin Strellc të Epërm është në realizim e sipër kompleksi memorial i dëshmorëve. Po në këtë fshat në oborrin e shkollës është ngritur edhe busti i pishtarit të arsimit Haki Povataj.
]
2013 si në gjithë territorin e Republikës së Kosovës, do të kujtohet nga qytetaret edhe si vit i zgjedhjeve lokale. Deçani, jo si shumica e Komunave këtë proces e përmbylli me 03 nëntor, qytetaret e kësaj Komune i dhanë votëbesimin për të udhëhequr edhe për katër vite Rasim Selmanajt nga Aleanca për Ardhmërinë e Kosovës. Në garën për kryetar Komune e cila u mbajt në nëntor z.Rasim Selmanaj, si kryetar i Komune kundër kandidat pati edhe tre zotëri nga subjekte të tjera si Blerim Bajraktaraj nga LDK, Xhvdet Hasanmetaj nga PDK dhe Billall Hadergonaj nga Vetëvendosje. Pas zgjedhjeve në debate të ndryshme procesi zgjedhor është vlerësuar si i suksesshëm, me rast edhe kundër kandidatet i kanë uruar Selmanajt rizgjedhjen për kryetar Komunë. Selmanaj dhe këshilltaret e ri të asamblesë Komunale kanë dhënë edhe betimin e tyre, në seancën konstituive cila është mbajtur në fund të muajt dhjetor.Ndërkaq , në séance e dytë që ishte vazhdimi I asaj konstituive, është zgjedh edhe Kryesuesi I Asamblesë, e që është z.Jashar Dobraj nga radhët e AAK-së. Ndryshe Rasim Selmanaj do të jetë kryetar Komune edhe për 4 vitet të ardhshme, Selmanaj pritet që në ditët e para të Janarit 2014 të bëj edhe emërimin e kabinetit të tij, sa I përket përfaqësimit të subjekteve Politike në asamble Komunale AAK- është e përfaqësuar me 13 asambleistë, LDK me 9, PDK me 3 dhe Vetëvendosje me 2 asambleist.
Këto ishin në pika të shkurtra disa nga ngjarjet që e kanë përcjellë Komunën e Deçanit gjatë vitit 2013, me shpresën së në vitin që po hymë Komuna jonë do të këtë rritje të investimeve në gjitha lëmit e jetës, dhe të ketë një ngritje të mirëqenies së qytetarëve tanë, Zyra për Informim ju kolegë dhe gjithë qytetarëve u uron vitin e Ri 2014.
