Në kuadër të shënimet të ditës së çlirimit dhe të dëshmorëve të kësaj komune, dhe nën moton “Me Ramushin”, në Deçan, janë mbajtur aktivitete të shumta kulturore dhe përvjetor me rëndësi të veçantë. Në këtë rast, është shënuar 20 vjetori i themelimit të SHKA “Jusuf Gërvalla”, e cila për dy decenie, ishte prezantues i vlerave kulturore dhe me sektorët e saj, edhe zëdhënës i shqiptarëve për liri. Ndërkohë, për të madhështuar këtë festë, është bërë zbulimi i pllakës në rrugën e demonstratave në Deçan ku janë organizuar gjitha aktivitetet e rezistencës përball pushtetit serb, kurse në fshatin Beleg, është bërë zbulimi i pllakës tjetër, ku njëzet vjet më parë, ishte themeluar SHKA-ja, “Jsuf Gërvalla”
Themelimi i shoqërisë Jusuf Gërvalla”, dhe më vonë në kuadër të saj, edhe seksionet tjera dhe në veçanti, revista “Zgjimi”, mbajtën gjallë vlerat e kulturës të n jë populli të shtypur dhe njëkohësisht edhe shpresën për liri. Kështu ka vlerësuar veprimtarinë e këtij organizmi, Sali Mazrekaj, kryetar i parë i kësaj shoqërie, i cili pasi ka thënë se në këtë realizon, merita të veçanta ka kryetari i tashëm i komunës, Rasim Selmanaj, ka veçuar aktivitetet e shumta të kësaj shoqërie duke përmend edhe emra të shumtë për rezultatet e arritura. Derisa, Mazrekaj, SHKA-në, “Jusuf Gërvalla”, ka radhitur se vlerë kombëtare dhe begatia shpirtërore e një kombi, revistën “Zgjimi”, e ka cilësuar si zëdhënës kryesor i një rezistence që po krijohej, ndaj pushtuesit të atëhershëm. Dhe, jo rastësisht, këto aktivitete u bënë në Deçan, ku po përgatitej tereni që rezistenca paqësore, të kaloj në luftën e armatosur për liri.
Për veprimtarinë e kësaj shoqërie kulturore-artistike, që bashkë me revistën “Zgjimi”, vazhdon punën e saj, kanë folur edhe Agron Gashi, Fitnete Ramosaj, ndërsa, i pari i komunës, Rasim Selmanaj, ka ndarë mirënjohje për të gjithë aktivistët që punuan plot dy decenie, në kuadër të kësaj shoqërie. Ndërkaq, në kuadër të aktiviteteve kulturore, ma platon e qytetit, është mbajt mega koncert me yjet estradës kosovare, gjithashtu, nën moton “Me Ramushin”.
