Nxënësit e shkollës fillore “Sylë Alaj” në Drenoc, nuk janë të detyruar që në shkollën e tyre të kalojnë rrugën me ujë e baltë.
Komuna ka bërë asfaltimin e rrugës që shpie në drejtim të kësaj shkolle, ndërkohë vitin e ardhshëm do të behën zgjedhje edhe për rrugët tjerat, sidomos për nxënësit e Vokshit, Sllupit dhe Lloqanit,të cilët i vijojnë mësimet në këtë shkollë. Ky investim është pjesë e projektit në vlerë prej afro 300 mijë eurosh, i cili ka nisur të realizohet në asfaltimin e rrugës dhe ndërtimin e rrjetit të kanalizimit në fshatin Drenoc.
“Na ka shpëtuar Komuna me asfaltimin e kësaj rruge, sepse nxënësit tonë nëpër mot të lig gjithmonë jonë detyruar të mbathin çizme për ta kaluar atë”, ka thënë Agim Alaj, drejtor shkolle. Ai ka treguar se vazhdimisht ka kërkuar nga Komuna të bëjë këtë punë, mirëpo për dallim nga udhëheqja e mëparshme vetëm kryetari i tanishëm Rasim Selmanaj, ka realizuar këtë projekt.
Mirëpo, drejtori Alaj, beson se vitin e ardhshëm do të behën zgjedhe edhe për rrugët tjera që shpijnë në drejtim të kësaj sholle. Sipas tij edhe nxënësit nga fshatrat Voksh, Sllup dhe Lloqan, kanë të njëjtin hall, madje ata të Vokshit, janë edhe të rrezikuar, sepse kur rritet përroi nga ujë, janë të detyruar të kalojnë të kërkojë rrugë alternative të vijnë në shkollë. Edhe rrugët për nxënësit që vijnë nga fshatrat Sllup dhe Lloqan, janë në të njëjtën gjendje si ishte përpara rruga tashmë e asfaltuar.”Nga Komuna, kemi premtime se do të rregullohen edhe këto rrugë dhe njëherë e përgjithmonë ta heqim qafe këtë problem”, është shprehur ai, duke besuar në premtimet e dhëna nga autoritet komunale.
