Bo-Ewert Linne, zyrtar rajonal i OSBE-së me stafin e tij, në vizitën e tij me karakter njohës, ka takuar z.Rasim Selmanaj. Ai në këtë rast, nga i pari i komunës është informuar për të arriturat zhvillimore dhe në fushën e demokracisë dhe të sundimit të ligjit, sikurse edhe për problematikat dhe preokupimet që mbizotërojnë aktualisht.
Nga ana e tij, kryetari Selmanaj, ka folur për problemin e prerjeve ilegale, por më shumë me letra përmes tenderëve të pyjeve të kësaj komune, ndërkohë ka thënë se nga ardhja e tij në kreun e Komunës, ka arritur të zvogëlojë përmasat e kësaj dukurie, kurse sivjet siç tha ai, nuk do të shpallët asnjë tender për prerje pyjesh. Ai gjithashtu e ka njoftuar zyrtari e OSBE-së për propozimin e tij, se preja e pyjeve bohet të jetë vetëm një shërbim ku do të punësohen qytetarët, kurse shitjen duhet ta bëjë Komuna.
Ndërkaq, Linne pasi ka përmend përvojën e shtetit të tij, Suedisë, është shprehur se një model i tillë i nevojitet Kosovës, sidomos përvojat në pyllëzimin e sipërfaqeve të zhveshura. Gjithashtu, ai ka thënë se përkrahja e OSBE-së, për të mbështetur komunën në realizim projektesh që i përkasin këtij misioni, asnjëherë nuk do të mungojë. Linne, po ashtu ka propozuar mbajtjen e takimeve të rregullta në çdo dy muaj me të gjithë kryetarët e Rajonit të Pejës, dhe njëkohësisht ka marrë edhe mbështetjen e kryetarit Selmanaj.
