Kryetari i Komunës së Deçanit z.Rasim Selmanaj, me bashkëpunëtor, ka bërë përurimin e tri rrugëve me gjatësi mbi 1 kilometër. Me mjetet e Komunës së Deçanit janë asfaltuar rrugët “Qameria”,” Nexhat Iberhysaj” dhe ”Bekim Berisha”, në inaugurimin e këtyre rrugëve, banorë të këtyre lokaliteteve shprehen mirënjohje të thella ndaj Komunës së Deçanit dhe Kryetarit Rasim Selmanaj, për këtë investim. Afrim Lataj banor i rrugës “Bekim Berisha” duke shprehur falënderimet në emër të banorëve, tha se vitet e shkuara kanë qenë më mjaft probleme për të gjithë banorët e këtushëm” Ne kemi pas probleme të shumta si banorë të këtyre lokaliteteve, në mungesë të rrugës. Fëmijët tanë në veçanti kanë qenë të atakuar në mos asfaltimin e rrugës, ata gjatë vajtje ardhjes në shkollë, në ditët me të reshura me shi e borë mezi janë qasur për shkuarje në shkollë. Na ka ndodhur shpesh që ne të rriturit tu ndihmojmë atyre që të kalojnë rrugën e cila mbushej përplot me baltë. Ka pas raste të tilla kur fëmijët tanë kanë shkuar të lagur në shkollë, dhe ashtu kanë mbajtur orët e mësimit. Për këto arsye jemi sot të gjithë kaq të lumtur, se këtë breng s’do ta kemi më, prandaj në emrin e gjithë banorëve të këtyre tri rrugëve i shprehim falënderimet tona të sinqerta për Kryetarin e Komunës së Deçanit z.Rasim Selmanaj dhe stafin e tij” tha Lataj.
Kurse kryetari i komunës së Deçanit z.Rasim Selmanaj tha se edhe mandati i tij i dytë do të jetë përplot investime, në të mirë të zhvillimit të Komunës dhe në të mirë të qytetarëve të Deçanit “ Jam përfol se po asfaltoj rrugë vetëm në prag të zgjedhjeve lokale, kjo që sot po inaugurojmë këto ti rrugë është vetëm fillimi i demantimit. Unë së bashku me bashkëpunëtoret e mijë, ashtu edhe siç kamë deklaruar edhe në fushatën elektorale, do të vazhdojmë ritmin e investimeve në infrastrukturë, por edhe në lëmi të tjera, do të vazhdojmë të punojmë në ngritjen e mirëqenies sociale të qytetarit tonë. Nuk do të ndalemi deri sa ta zhvillojmë komunën, që secili qytetarë të ndihet krenarë pse i takon komunës së Deçanit.” Tha Selmanaj.
Ndryshe sot u inauguruan tri rrugët me gjatësi mbi 1 kilometër rruga “Qameria”,” Nexhat Iberhysaj” dhe ”Bekim Berisha” që të gjitha këto me mjetet e Komunës së Deçanit.
