Nën masat të mbrojtjes kundër pandemisë Covid-19, iu dha lamtumira e fundit dy vëllezërve deçanas që u goditën ditë më parë, për vdekje nga treni në një qytet të Gjermanisë. Me ceremoni fetare i’u dha lamtumira e fundit dy vëllezërve, Hasanit dhe Blerionit, me pas u recituan edhe poezi për mërgatën kosovare.
Në varrimin e dy vëllezërve të pranishëm ishin edhe i pari I komunës së Deçanit z.Bashkim Ramosaj, ministrja e Punëve të Jashtme, Meliza Haradinaj-Stublla, zëvendës kryeministri Besnik Tahiri dhe ministri i Arsimit, Shkencës dhe Teknologjisë, Ramë Likaj përfaqësues të shoqatve të dala nga Lufta e UÇK-së , qytetar nga të gjitha trevat shqipetare të cilët ndan dhimbjen me familjen Arifaj.
“E vështirë, e rëndë, e pikëlluese ndarja fizike e juve. Nuk kam fjalë të përshkruaj këtë ndjenjë. Do të ju kujtojmë gjithmonë edhe në ditëlindjet e juve. Ju nuk keni vdekur jeni të gjallë për neve”, u tha gjatë kësaj ceremonie.
Babai i dy viktimave, Arif Arifaj, gjatë ditës së djeshme është deklaruar për arbresh.info, se për sjelljen e trupave të djemve të tij në Kosovë, janë përkujdesur dy shtetet, ai i Kosovës dhe shteti i Gjermanisë ndërsa për ceremoninë e varrimit janë përkujdesur institucionet lokale.
