Sot u mbajt dëgjimi i dytë buxhetor për Grantin Specifik të Shëndetësisë 2027–2029, ku u prezantuan planifikimet buxhetore dhe u diskutuan nevojat e sektorit të shëndetësisë në Komunën e Deçanit.
Drejtoresha për Buxhet dhe Financa, znj. Dafina Cacaj, prezantoi projekt-buxhetin e Komunës së Deçanit për sektorin e shëndetësisë, duke sqaruar planifikimin e mjeteve financiare për periudhën 2027–2029.
Gjatë dëgjimit buxhetor, z. Xhemajl Latifaj prezantoi sfidat dhe vështirësitë me të cilat përballet sektori i shëndetësisë, duke theksuar nevojën për mbështetje më të madhe në ofrimin e shërbimeve shëndetësore.
Po ashtu, Drejtoresha e Shëndetësisë, znj. Agnesa Vokshi, kërkoi investime për renovimin e objekteve shëndetësore, me theks të veçantë renovimin e kulmit të QKMF-së, si një ndër nevojat prioritare për përmirësimin e kushteve të punës dhe shërbimeve ndaj qytetarëve.
Gjatë takimit, pjesëmarrësit patën mundësinë të japin propozimet dhe komentet e tyre lidhur me projekt-buxhetin e Grantit Specifik të Shëndetësisë për periudhën 2027–2029
