Sot u mbajt mbledhja e rregullt e Komitetit për Politikë dhe Financa (KPF), e udhëhequr nga Kryesuesi i Kuvendit, z. Hajdar Sutaj.
Në mbledhje morën pjesë Drejtoresha për Buxhet dhe Financa, znj. Dafina Cacaj, anëtarët e KPF-së, si dhe zyrtarë komunalë.
Gjatë mbledhjes u shqyrtuan këto pika të rendit të ditës:
1. Miratimi i procesverbalit nga mbledhja e kaluar;
2. Raporti gjashtëmujor i punës së Zyrës për Barazi Gjinore;
3. Raporti gjashtëmujor i Kryetarit të Komunës;
4. Raporti gjashtëmujor financiar;
5. Raporti i Auditorit të Jashtëm për vitin 2025 dhe Plani i veprimit për zbatimin e rekomandimeve të Zyrës Kombëtare të Auditimit;
6. Draft-Rregullorja për Caktimin e Taksave, Ngarkesave, Tarifave dhe Gjobave Komunale;
7. Propozimi i Kryetarit për miratimin e vendimit paraprak për dhënien në shfrytëzim të pronës së paluajtshme të komunës;
8. Plani Ndërkomunal për Menaxhimin e Integruar të Mbeturinave (PNMIM) për pesë komunat e rajonit të Dukagjinit;
9. Propozimi për caktimin e lokacionit për mbeturinat e ngurta;
10. Shqyrtimi i kërkesave.
Të gjitha pikat e rendit të ditës u diskutuan nga anëtarët e Komitetit dhe u miratuan për mbledhjen e Kuvendit Komunal, e cila do të mbahet më 30.07.2026.
