Sot u mbajt Mbledhja e VI-të e Rregullt e Kuvendit të Komunës së Deçanit, e udhëhequr nga Kryesuesi i Kuvendit, z. Hajdar Sutaj.
Në mbledhje morën pjesë Kryetari i Komunës, z. Bashkim Ramosaj, Drejtorët e Drejtorive Komunale, Anëtarët e Kuvendit Komunal, si dhe Zyrtarë Komunalë.
Gjatë mbledhjes u shqyrtuan dhe u miratuan të gjitha pikat e Rendit të Ditës, përfshirë:
1. Shqyrtimin dhe Miratimin e Transkriptit nga Mbledhja e V-të e Rregullt e Kuvendit;
2. Raportin Gjashtëmujor të Punës së Zyrës për Barazi Gjinore;
3. Raportin Gjashtëmujor të Kryetarit të Komunës;
4. Raportin Gjashtëmujor Financiar të Komunës;
5. Raportin e Auditimit të Jashtëm për Vitin 2025 dhe Planin e Veprimit për Zbatimin e Rekomandimeve të Zyrës Kombëtare të Auditimit:
6. Draft-Rregulloren për Caktimin e Taksave, Ngarkesave, Tarifave dhe Gjobave Komunale;
7. Propozimin e Kryetarit për Dhënien në Shfrytëzim të Pronës së Paluajtshme të Komunës në Strellc të Ulët;
8. Planin Ndërkomunal për Menaxhimin e Integruar të Mbeturinave për Komunat e Rajonit të Dukagjinit;
9. Marrjen e Vendimit për Caktimin e Lokacionit për Mbeturinat e Ngurta;
10. Përgjigjet në Pyetjet e Parashtruara nga Anëtarët e Kuvendit;
Pas diskutimeve, të gjitha pikat e Rendit të Ditës u miratuan nga Anëtarët e Kuvendit.
Në fund të mbledhjes, Asamblistët patën mundësinë të parashtrojnë pyetje dhe të marrin përgjigje nga Kryetari i Komunës, z. Bashkim Ramosaj, dhe Ekzekutivi Komunal për çështje të ndryshme me interes për qytetarët dhe funksionimin e komunës.
