Mbledhjen e udhëheqi kryesusi, z. Shkelzen Berisha në takim morën pjesë, anëtaret e Komunitetit për Komunitete, drejtoresha për Buxhet dhe Financa, znj. Dafina Cacaj, OSBEA- ja, zyrtar komunal.
Për mbledhje ishin propozuar këto pika të rendit të ditës:
Aprovimi i procesverbalit nga mbledhja e kaluar;
Raporti nga Zyra për Lidhje me Komunitetet (ZLK-ja ), ku u prezantuan aktivitetet dhe sfidat e fundit në lidhje me bashkëpunimin dhe angazhimin e komuniteteve;
Raporti nga Drejtoria për Buxhet, ku u diskutua gjendja financiare nga drejtoresha, znj. Dafina Cacaj dhe mundësitë për mbështetje më të madhe të projekteve që lidhen me komunitetet;
U bë ftesë për Drejtorinë e Kulturës, për të diskutuar dhe planifikuar mënyra konkrete për përfshirjen e nxënësve nga komunitetet në aktivitete kulturore, artistike dhe edukative;
Në pikën “Të ndryshme”, anëtarët e Komitetit shtjelluan çështje të tjera që kanë të bëjnë me nevojat aktuale dhe mundësitë për përmirësimin e gjendjes së komuniteteve në komunë.
Komiteti u angazhua që të vazhdojë punën dhe bashkëpunimin e ngushtë me institucionet përkatëse dhe me përfaqësuesit e komuniteteve, me qëllim që të sigurohet përfshirje, barazi dhe mirëqenie për të gjithë qytetarët.
