Kuvendi i Komunës në Deçan mbajti mbledhje të jashtëzakonshme të Asamblenë të kryesuar nga Dr.Haki Shehaj, ku në prezencën e kryetarit të komunës z.Bashkim Ramosaj e Drejtorëve të drejtorive , përfaqësuesve të shoqërisë civile qytetareve u debatua për të vetme pikë të rendit të ditës
1.Shqyrtimi dhe miratimi i kërkesës për dhënien në shfrytëzim të pronës komunale KEDS-it për vendosjen e Stabilimentit shpërndarës në fshatin Irzniq, për degëzimin e rrjetit elektrik për fshatrat Ratishë, Gllogjan, Shaptej etj.
Të pranishëm në ketë seancë ishin 19 asambleist.
Arsyeshmërin e thirrjes së kësaj seancë e beri i pari i komunës z.Bashkim Ramosaj, ku tregoi se KEDS-i kërkon nga komuna e Deçanit që për vendosjen e stabilimentit shpërndarës për furnizim me Energji Elektrike ti ipet në shfrytëzim sipërfaqe në parcelën : nr:00619-0zk.në fshatin Irzniq. Ky stabiliment do të shërbeji për furnizim më Energji Elektrike për fshatrat :Irzniq , Ratish i Epërm dhe Ratish i Ulët, Gllogjan dhe Shaptej. Në parcelën nr.00619-0 stabilimenti ka përmasat (7×3)m dhe kërkon sipërfaqe S₌ 21m.
Ramosaj tha se për banorët e këtyre lokaliteteve njëherë e përgjithmonë behët zgjidhja e problemit për furnizim të rregullt më Energji Elektrike, andaj kërkoi edhe miratimin e kësaj krekës duke ju ber me dije se investimet e KEDS-it në komunën tonë do të kapin shifrën 3.5 milion euro dhe besoi se jemi në rrugë të mbar për rregullim të rrjetit elektrik.
Kjo pikë e rendit të ditës më shumicë votash është aprovuar .
Më 16 vota pro nga AAK , dy vota kundër nga dy anëtar që ishin prezent nga LDK dhe një abstenim të anëtares së PDK-së .Grupi parlamentar i PSD-së nuk ishin të pranishëm në kët seancë.
