Ndonëse në Komunën e Deçanit, po vazhdon të jetë situata nën kontroll ku deri më tani nuk kemi ndonje rast me COVID-19, Shtabi Emergjent ka vazhduar me ndarjen e ndihmave për familjet me nevojë.
Sot, 200 familje kanë qenë përfituese të këtyre ndihmave, miell, pako ushqimore dhe higjenike tha Shefi i Shtabit z.Izet Zenuni. Ai gjithashtu tha se sot kemi përmbyllur edhe fazën e parë për rastet me asistencë sociale në komunën e Deçanit ku përfitues kanë qenë mbi 400 familje e kjo falë një bashkëpunimi mjaft të mirë me këshillat e fshatrave, Qendren për Punë Sociale, me të cilet kemi hartuar edhe listat e personave me nevojë për të qenë sa me afër tyre në këtë situat të jashtëzakonshme.
Për grumbullimin e këtyre ndihmave duhet falenderuar Institucionin Komunal, Shoqata mbarëkombëtare ,,Shqiptarët për Shqiptaret’’, Këshilli i Bashkësis Islame, Viva Fresh Store dhe Kryqin i Kuq.
Ky nuk është kontigjenti i fundit, Shtabi Emergjent ka edhe kontigjente tjera rezerv, andaj askush nuk do të mbetet pa u ndihmuar në këto ditë të vështira.
