Kryetari i Komunës, z.Bashkim Ramosaj, së bashku më Ministrin e Arsimit, Shkencës dhe Teknologjisë, Shyqiri Bytyqi, sot kanë vënë gurëthemelet e Shkollës Fillore “Heronjtë e Dukagjinit” në Gllogjan si dhe kanë Inspektu punimet në objektin përcjellës të Shkollës Fillore “Isa Boletini” në Isniq.
Fillimisht i pari i komunës ka takuar Ministrin Bytyqi në zyrën e tij ku kanë diskutuar një sere temash më rendësi sa i përket Arsimit në Komunën e Deçanit .Pas këtij takimi ata ven edhe gurthemelin për ndërtimin e Shkollës së Mesme të Ulët ,, “Heronjtë e Dukagjinit” në Gllogjan.
Pas vënies së gurthemëlit për ndërtimin e kësaj shkolle i pari i komunës z.Bashkim Ramosaj tha se i është dashur shumë punë që të rimëkëmbë infrastrukturën e Deçanit me rrethinë. Madje tha se Deçani ka qenë një qytetet pothuajse inekzistent. “Për neve është një ditë e gëzueshme sot sepse dalëngadalë si proces, i thash edhe njëherë Ministrit, Deçani e ka trashëgu një qytet pothuajse inekzistent e që s’ka pas as shpi as shkollë, e as institucione publike. Është dashur me rilindë jetën në këtë vend dhe dalëngadalë si proces kemi ardh deri këtu, dhe sot jemi në këtë proces gjithashtu duke përmbyll një cikël në infrastrukturën shkollore për çka i jam shumë mirënjohës Qeverisë Haradinaj dhe ministrin Bytyqi për përkushtimin’’
Ndërsa Ministri Bytyqi tha se është obligim institucional që të investohet në këtë pjesë të Kosovës, kur dihet se Gllogjani i dha shumë jo vetëm rrethinës por të gjithë vendit. “Është kënaqësi gjithmonë të jesh në Gllogjan, është privilegj të jesh në Gllogjan, Gllogjanin heroik i cili dha shumë jo vetëm për këtë rrethinë por dha shumë për krejt Kosovën dhe kjo është kënaqësi të jesh në mesin e këtyre qytetarëve. Në ditët e vështira kur ishte vështirë të frymohej shqip, ata ishin në ballë që ta mbronin edhe gjuhën edhe vendin dhe sot jemi këtu ku mund të bëjmë mrekullira për vendin tonë sepse e kemi obligim për ata të cilët e dhanë më të shtrenjtën, pra jetën e tyre”, tha Bytyqi.
Ndërsa Lumnije Avdijaj, drejtoreshë e shkollës ekzistuese, “Heronjtë e Dukagjinit”, tha se investimi në arsim është thelbi i së ardhmes. “Te investosh në arsim frytet do të jenë të panumërta dhe afatgjate, andaj arsimi është thelbi i së ardhmes ku pa një sistem arsimor të mirë dhe pa mësues të zotë shoqëria jonë nuk mund të jetë e përparuar”, u shpreh Avdijaj. Më pas Ramosaj dhe Bytyqi, kanë inspektuar edhe punimet që po zhvillohen në objektin përcjellës të Shkollës Fillore, “Isa Boletini”, në Isniq. Ata u njoftuan për së afërmi me fazën e punimeve dhe me procesin e ndërtimit te këtij objekti nga drejtori i kësaj shkolle z.Shaban Mehmetaj.
