Është zbuluar sot busti i dëshmorit Haki Povataj, në oborrin e shkollës së fillore të mesme të ulët “Bajram Curri” në Strellc të Epërm, shkollë kjo ku dëshmor punoj e veproj për vite të tëra. Haki Povatajn do ta kujtojmë si pishtarë i arsimit, si njëri që gjithë jetën ja ka kushtuar kombit dhe arsimit shqip, u tha në ceremoninë e zbulimit të bustit. “Haki Pavataj,, ishte i vetëdijshëm për misionin që po merrte.
. E dinte peshën e të qenit njeriu i parë i Arsimit në Komunë. E kuptonte rrezikun e përdorimit për herë të parë në nivel vendi të vulave me mbishkrimin “Republika e Kosovës”. Patrioti Haki Pavataj i kishte vënë në përdorim këto vula, duke treguar tashmë botërisht se një epokë e re po vinte në këto troje të gjakosura për më shumë se 100 vjet historie. Nuk ka dyshim se ky guxim dhe veprimet e tjera kundër regjimit serb, Haki Pavatajn po e shndërronin në kurban të një lëvizjeje tjetër, tashmë të armatosur, atë të UÇK-së, e cila, ndonëse me sakrifica të shumta, pak vite pas rënies së tij Kosovës i dhanë vulën tjetër, atë përfundimtaren, vulën e lirisë, me emrin e njëjtë: “Republika e Kosovës”. “ tha kryetari i Komunës së Deçanit Rasim Selmanaj ne fjalën e tij.
Një fjalë rasti mbajti edhe z.Rexhep Osmani, ish ministër i Arsimit, duke folur për kontributin e dëshmorit, Osmani tha së Haki Povataj ka qenë njëri i cili nuk ka kursyer asgjë nga vetja e tij, në të mirë të arsimit shqip, ani pse gjithmonë i dinte rreziqet e mundshme në atë kohë ai nuk u dorëzua deri sa edhe u flijua për arsimin shqip .
Të tillë, si një pishtar të Arsimit shqip e njohin edhe bashkëpunëtorët e tij, ata që bashkëpunuan ngushtë me të .
Komuna e Deçanit 2 vite më parë, në shenjë nderimi për veprën patriotike të Haki Pavatajt, ka themeluar çmimin me emrin e tij. Me këtë çmim tashmë janë nderuar disa nga pishtarët e arsimit shqip në komunën tonë. Në ceremoninë e zbulimit të zbulimin të Bustit, Çmimi “Haki Povataj” ju nda pas vdekjes dëshmorit të kombit Miftar Povataj me motivacion:Një jetë kushtuar edukimit të gjeneratave të reja dhe në shenjë respekti të përjetshëm për luftën e tij për liri duke u flijuar në altar atdheu dhe përjetësuar me titullin dëshmor kombi!
