Nga sot busti i Dëshmorit të Kombit Ismët Ukaj, i shkrirë në bronz ,është vendosur në qendër të fshatit Strellc i Epërm në ketë shesh ku tash e një vit mban emrin e këtij dëshmori.
Zbulimin e këtij busti e ka bërë i pari i komunës z.Rasim Selmanaj ,Shkumbin Demalilaj , Armend Zemaj ,Dashamir Povataj dhe nëna e dëshmorit Ismet Ukaj.
Pikërisht për nder të kësaj dite dhe për ti nderuar të gjithë dëshmorët e këtij fshati është organizuar edhe një tubim përkujtimorë ku të pranishëm ishin i pari i komunës z.Rasim Selmanaj , nënkryetari z.Sami Cacaj , përfaqësues të shoqatave të dala nga lufta e UÇK-së , deputet , familjarë dhe qytetar të shumtë.
Më këtë rast i pari i komunës z.Rasim Selmanaj ,tha se jemi bashku sot në këtë ngjarje sepse po përkujtojmë të gjithë dëshmorët edhe martiret e fshatit Strellc mirëpo sot jemi bashku për të zbuluar bustin e Dëshmorit të parë të këtij fshati Ismet Ukaj i cili u vra ballë për ballë me forcat serbe .
Ne Strellc kemi nderuar Dëshmoret e Kombit ,qoftë me memoriale dhe buste,kemi vendosur bustin e dëshmorit Haki Povataj , memorialin e te gjithë dëshmorëve dhe martirëve të fshatit dhe sot bustin e dëshmorit memorialin ne Ismet Ukaj .
Ne na mbetet ti kujtojmë dhe nderojmë të gjithë ata të cilët ja sollën Lirin këtij vendi tha Selmanaj.
Në emër të fshatit Strellc kanë folur edhe Iber Alimuasaj , Deputeti Armend Zemaj , Shkumbin Demalijaj , dhe Adem Istrefaj .
Në kujtim dhe nderim te të gjithë dëshmorëve dhe të rënëve të këtij fshati janë bërë homazhe dhe janë vendosur kurora më lule në kompleksin e dëshmorëve në fshatin Strellc .
Poashtu sot në fshatin Strellc i Epërm në Kullën e Bajram Qerim Istrefaj, aty ku u strehuan forcat nacionaliste, është zbuluar Pllaka Përkujtimore në kullën e kësaj familje . I pari i komunës z.Rasim Selmanaj , tha se kjo kullë meriton që të restaurohet nga Ministria e Kulturës dhe Komuna e Deçanit sepse ka një histori të veçantë.
