Kryetari i komunës z.Rasim Selmanaj, më bashkëpunëtorë sot zyrtarisht kanë bërë përurimin e renovimit të zyrave të Objektit te Komunës, investim i Ministrisë së Administrimit të Pushtetit Lokal (MAPL).
Në kuadër të këtij projekti , hapësirat e objektit të komunës janë renovuar në tersi , duke përfshirë krijimin e hapësirave të reja për zyrën e kryetarit dhe të gjitha zyret e personelit, shkallat që kalon në brendi të objektit të komunës, renovimi i një zyre për përgatitjen e dosjeve për arkivin komunal, izolimi i jashtëm i arkivit , është bërë fasadimi i një pjese të objektit nga jashtë .
Ky investim i MAPL-së në vlerë prej 53 mijë euro, për komunën e Deçanit ka qenë i mirëseardhur tha kryetari i komunës z.Rasim Selmanaj, më vet faktin se janë krijuar kushte më të mira për personelin njëkohësisht edhe për qytetarët për një qasje më të lehtë tek personeli komunal.
