Kryetari i komunës së Deçanit z.Rasim Selmanaj , i shoqëruar më bashkëpunëtoret e tij dhe më banorët e fshatit Prokolluk, kanë bërë në mënyrë solemne përurimin e ujësjellësit , në qendër të fshatit Prokolluk.
Duke i uruar banorët e fshatit Prokolluk kryetari Selmanaj tha se projekti për ujin e pijes për 10-të fshatra të komunës së Deçanit, është duke shkuar drejt finalizimit ky është fshati i tretë që behët më ujë të pijes nga ky projekt dhe brenda pakë ditëve do të përurojmë edhe në fshatrat tjera andaj premtimet e dhëna se ju do keni ujë te pijes nga ujësjellësi po realizohen falë ndihmës së Ministrisë së Ambientit dhe Planifikimit Hapësinor konkretisht Ministrit Dardan Gashi që na dha mbështetje që me bashkëfinancim ta realizojmë këtë projekt .
Edhe plaku i fshatit Et’hem Rizaj, tha se gëzim më të madh nuk ka përjetuar ne jetën e tije sepse uji është burim i jetës andaj ne si banorë të këtij fshati i jemi mirënjohës atyre që financuan por edhe vet kryetarit Selmanaj i cili nuk heq dorë për realizimin e këtij projekti .Të flasësh për vështirësitë që kemi pas deri më tani ne si banorë të këtij fshati duhet shumë kohë tha përfaqësuesi i fshatit Skender Haxhosaj , sepse ka vite që ne ujin pijes është nga puset ka qen i kontaminuar si shkas i ujërave te zeza e ne si banorë është dashtë ta bartim nga qyteti ujin për pije e sot ne i jemi mirënjohës Kryetarit të Komunës z.Rasim Selmanaj, dhe të gjithë bashkëpunëtorëve të tij që na e mundësuan që ne të kemi uji të pijes.
Ndryshe fshati Prokolluk numëron mbi 40 shtëpi më 370 banorë , dhe nga sot të gjitha këto familje do të kenë furnizim të rregullt me uji të pijes.
